Тәуелсіздігіміздің таңы атқан жиырма алты жылдан бергі уақыт ішінде Елбасымыз спортқа көңіл бөліп, бұл саланы әрдайым мемлекеттік маңызы басым бағыттар санатына қосып келеді. Ауданымызда «Біздің денсаулығымыз – өз қолымызда» ұранымен «Денсаулық фестивалі – 2017» күніне акциялар, флеш-мобтар, артериялық гипертензия, қант диабеті, жаяу жүру морофоны өтті. Оған аудан тұрғындары мен білім, спорт, денсаулық сақтау саласының мамандары, мектеп оқушылары қатысты. Шараның мақсаты - физикалық белсенділікті арттыру және дұрыс тамақтану талаптарын сақтай отырып, жаман қылықтардан арылу, сонымен бірге денсаулық сақтау әдеттерін қалыптастыру арқылы қоғам назарын денсаулықты сақтау мен оны қорғаудың ортақ жауапкершілігіне аудару.

Құрманғазы аудандық орталық ауруханасында 8.09.2017ж «Денсаулық мектебі» ашылды. Құрманғазы аудандық орталық ауруханасының бас дәрігер Мутиева.Г.М «Ауырып ем іздегенше, Ауырмаудың жолын ізде»- мақсатында ашылып жатқанын айтып өтті. «Денсаулық мектебінің» ашылу салтанатын: 1-ші лентасын артериялық гипертензия учетының тұрғыны Әлжанова.С кесу бұйырса, 2-ші лента кесу салтанаты облыстан іс-сапармен келген қазіргі № 4 қалалық емхана басқармасының ана мен бала жөніндегі орынбасары Ахметова.Б.Р берілді.

- Елбасымыз өзінің Жолдауларында халық денсаулығын жақсартуға, азаматтарымыздың өмір сүру жасын ұзартуға көбірек көңіл бөліп келеді. Мемлекетіміз медицина саласының қызметін қазіргі заманауи талаптарға сай ұйымдастыруға ден қойып, жаңа құрал-жабдықтармен қамтып, жұмыс жасауымыз үшін барлық жағдайды туғызуда. Бүгін аудандық орталық ауруханасының директоры Гүлсара Мүтиеваның айтуымен, дәрігер Жазира Бекболатованың, Нұргүл Жұмабекқызының қатысуымен Құрманғазы алаңында “Өз қан қысымыңызды өлшетіңіз” атты акция ұйымдастырылды. Акцияның мақсаты жүрек-қан тамырлары ауруларының, артериялық гипертонияның, қант диабетінің алдын алу, скринингтік тексеру өткізу. Адамдардың қан қысымы өлшеніп, қан сынамалары алынып, алынған қан сынамалары тексеруден өткізілді. Шараға бір дәрігер, бір лаборант, 4 медбике, 1 әлеуметтік психопрофилактика маманы қатысты.